Igalang Natin si Manny!!

Marco Antonio Barrera
Héctor Velázquez
Juan Manuel Márquez,
Fahsan Por Thawatchai
Erik Morales
Oscar Larios
Jorge Solis
David Díaz
Oscar dela Hoya

Ilan lang sila sa mga napatumba ni Manny 'Pacman' Pacquiao sa banyagang ring.

Kabog!

In fairness naman, malayo na rin ang narating ng ating kababayan sa larangan ng boksing. Mula sa pagiging bagitong manununtok ng Mindanao eh bumubulaga na ang ating bida sa padaigdigang boksing. Ngayon eh alamat na hindi lang ang mga laban nya kundi ang mga katagang binibitiwan nya pagkatapos ng laban ('ya know... ya know...'), na minsan talaga eh may pahangin effect pa. (Aminin, nakarinig kayo nyan!!) At in fairness at in fairview pa rin, hindi lang sya ngayon sikat na boksingero, kundi commercial model, aktor, host at kung anu-ano pa. Balak atang gawing National Artist for Entertainment si Manny.

Ahahaha.

Sa sobrang galing nga ng taong eto eh mukhang nakakasawa nang malaman na panalo sya sa mga laban nya. Parang nasusuya na ang mga Pinoy sa bawat panalo nya. mapapancin natin na hindi na maririnig ang mga kapitbahay mong nagsisisgaw sa kada suntok niya. Pero iba itong kakatapos na match niya with Oscar dela Hoya. Pinagusapan talaga; kesyo mismatch daw, malaki daw masyado ang itinapat kay Manny, mahaba ang braso at kung anek-anek pa. Pero wag ka, walong rounds lang at sumuko na ang kalaban. At ito pa, pati laban ni Manny eh ginawa na ring business. May mga sinehan nang nagpapalabas ng laban nya live via satellite, (shala dbuh?) kaya nawalan ng kwenta ang mga telebisyon, delayed telecast daw kasi. Naalala ko pang nagalit ang tatay ko kasi pagkauwi ko nang Linggo ng umaga eh inunahan ko na sya ng balita, "Pa, panalo na si Pacquiao, ruond 8, plakda si dela Hoya wahahahaha!!" Nasa sixth round pa lang noon sa tv kaya pinaghahahampas ako ni Papa ng dyaryong hawak nya. Nawala daw kasi excitement nya.

Pero ano ito?!

May mga kumakalat nang text kesyo may sumpa daw lahat ng panalo ni Manny. After daw nya manalo, may mga sakunang magaganap. Andyan ang Wowowee stampede, paglubog ng MV Princess of the Stars, at ngayon naman pati pagkamatay ni Marky Cielo eh associated din sa pagkapanalo ni Manny. At ito pa, ang siste pa eh binenta na daw ni Pacman ang kaluluwa nya kaya may kapalit na mga buhay ang bawat tagumpay nya.

Kaloka naman yon...

Sa halip na gumawa ng kung ano anong tsismis at haka-haka eh sana hindi nating nakalimutan pasalamatan si Manny. Aba, hindi madaling tumanggap ng suntok sa ibabaw ng ring ba? At dahil sa mga panalo nya, umaangat ang estado ng atletang pinoy sa loob at labas ng bansa. At hindi ba dapat nating ipasalamat na sa bawat laban ni Manny eh walang trapik sa kalsada, zero ang crime rate, tumataas ang piso sa pandaigdigan pamilihan? At higit sa lahat, marami nang nakakaintindi sa matigas ni Ingles ni Manny, kaya hindi ka kailangang mag-effort magpaka-slang ang mga Pinoy para maintindihan ng mga banyaga.

Ahihihi.